我們的蜜月之旅 @ Okinawa ~ 酒店篇

我們 Honeymoon 的地點是日本沖繩島~~
為什麼會選沖繩作為Honeymoon的目的地呢？
貓豬女是十分喜歡去日本，當然最想去日本，但係老公話我去得太多日本，應該要去下其他地方~~ 他想去一D冷門的地方，不過這些地方又要跟團~~ 我唔想honeymoon要跟團啊~~~ 我想呢個trip的團友只得我們兩人呀~~ 經過一連串的討論，老公終於讓我去日本，不過貓豬女已經去過大部份日本的地方，除左廣島、四國、沖繩島是未去過~~ 老公都想去一個我和他都沒有到過的地方，他又驚幅射會影響之後生BB，所以就揀左沖繩島了 (因為呢度遠離幅射的出事地方)~~
其實我都知道一月份去沖繩真係唔啱season，因為呢個地方主要是陽光與海灘，呢個時間去會比較冷清，人影都唔多隻~~ 不過對於我們來講都OK，因為貓豬女唔識游水&怕水，所以有無"陽光與海灘"對於我來講都不是太緊要~~ 加上一月份是日本的百貨公司大減價，所以貓豬女都有係沖繩那霸市的百貨公司有一個小小的血拼~~ 嘻嘻~~



~~ 今篇就講下我們住過的酒店喇~~
訂酒店呢個任務就係我貓豬女負責，因為我喜歡住比較新的酒店，感覺會舒服D~~ 今次我係在日本網站 jalan.net 訂房，貓豬女以前去日本時常常係呢個web site訂房，都儲左D積分，今次都可以用來當錢用，太好了~~

我們最喜歡的酒店係第二晚住的 Kafuu Resort Fuchaku Condo Hotel (沖縄 カフー リゾート フチャク コンド・ホテル)http://www.kafuu-okinawa.jp/
呢間酒店係我同事推介，之後我又係 blog search，blogger 大王與女王都大力推介，咁就試下呢間喇~~ book的時候我只係book到twin bed的room type，出發前我send e-mail 同酒店講我們係來honeymoon ，希望佢地可以安排double bed 或者幫我們拍埋兩張床~~ 酒店好快就回覆話會安排~~
很驚喜~~ 原來酒店upgrade左我們去 executive floor，仲免費幫我們影一張即影即有相片太好了!! 這間酒店的服務實在太好，真係超值~~

個人用品全部都係 L'OCCITANE的產品，仲有浴鹽可以浸浴~~

講返我們第一晚就係住 Hotel Rocore Naha (ホテルロコアナハ)http://www.rocore.jp/index.html
呢間酒店是係國際通入口，在 Yui Rail 県庁前駅對面，超方便！同埋酒店的自助早餐非常豐富，有50種食物，包括沖繩料理。這是個幾日最好味的早餐！

最後個兩晚就連續住係Daiwa Roynet Hotel (ダイワロイネットホテル那覇国際通)http://www.daiwaroynet.jp/naha-kokusaidori/info.html
呢間酒店都係近國際通，Yui Rail 牧志駅可直通去酒店，酒店是在 1 Jul 2011 開業，房間 size 偏少，好似東京的酒店咁細，不過超新淨，感覺都好舒適~~