究竟係 "清酒煮花甲" 定係 "清酒煮大蜆" 呢?

早兩日已經分別同貓豬女的爸爸 & 老爺提早慶祝父親節了，所以今晚我們兩口子就係屋企煮飯仔。

較早前睇左blogger貓小玲的食譜，很想試整清酒煮花甲，因為容易煮，又好味~~ 難得今晚由貓豬女下廚，所以就作出了新嘗試~~

我們的婚禮 ~ 註冊@文化中心婚姻登記處

回門後，男女家的親友就去文化中心映月樓飲茶，因為方便他們吃飽飽後就可以直接去文化中心婚姻登記處觀禮。

而係呢段時候，貓豬女就係酒店等 MUA Sandy 替我轉妝及換上婚紗，老公&兄弟姊妹們就係酒店幫忙執拾行李，之後check-out，請酒店職員幫忙轉房 (當晚是住酒店送的另一個房間)。

一切準備好之後，就出發到文化中心婚姻登記處。

我們預約了婚姻登記處下午的第一個section，即14:15。可是原來這個時間其實不是太好~~ 點解咁講呢? 因為婚姻登記處的 lunch time是直到14:00，換句話來說，他們要14:00才開門，所以就算我們一早到達，亦不可以入內等候。就這樣，我們就係外面影了一陣相片，當日外面比較大風，竟然把我的前額的頭髮吹亂了~~

可是到了14:00婚姻登記處開門了，我們又要趕著去counter "報到"，之後已經沒有什麼時間可以係登記處內的新娘房整理好我的頭髮，我的前額的頭髮常常蓋住我的眼睛，所以行禮時我不時"攪"我的頭髮，有點不自然，真係失禮死了~~

如果有B2B，想係文化中心註冊，個人認為，最好不要揀上午/下午的第一個時段，例如14:15的section。


結婚進行曲響起了~~ 簡單而隆重的註冊儀式正式開始~~ 很緊張呢~~

我們的婚禮 ~ 出門 & 入門

拖左好耐，今晚終於開始要寫大日子的東西了~~ 再唔寫就真係怕自己會唔記得喇~~

諗起婚前一天真係好忙碌，走來走去，又要final fitting & 取禮服，又要pack好big day要用的東西送去酒店，又要pick up回禮的gifts，又要finalised 座位表，etc. ~~ 幸好有妹妹們和妹妹的男友的幫忙，所以都好順利。

大日子那天貓豬女是在富豪九龍酒店出門，本來計劃了婚前的一晚是要入住酒店的出門套房。但是貓豬女真係好唔捨得自己屋企，好想係自己屋企渡過最後一晚，所以最後決定唔係酒店睡，只是把big day要用的東西放在出門套房。

大日子當天的清晨6時，貓豬女和親妹妹們先出發往酒店準備，爸媽就隨後出發。

當時是冬天，所以到達酒店時就剛剛日出。