商戶評價 ~~ 姐妹裙 @ 幸福角落

講起我的姐妹團真係經過我的精挑細選，點解咁講呢？話說老公不是在香港長大 & 讀書，很多朋友都不在香港，他只會有兩位朋友 & 細佬做兄弟。因為兄弟 & 姐妹的數目要平衡，所以我最終選左我人生三個階段 (小學、中學 & 大學) 的好朋友。



雖然只有三位姐妹，不過加上我自己的兩位親妹妹，再加上另外兩位好好的中學同學協助之下，已經有足夠的人手幫我了，真係很感謝她們！



大家見到我姐妹團的裙是選左桃紅色，其實唔係咁多新娘子會選用，因為怕呢隻色會太搶鏡。但係貓豬女本人是喜愛這顏色，覺得姐妹們著左呢隻色會很有喜慶的感覺呢~~

訂造姐妹裙的舖頭選擇真的很多，金都 & 百利都有很多選擇，眼花撩亂~~經我親妹妹的好友介紹而認識 "幸福角落" 這間舖頭。她座落係尖沙咀的商業大廈裡，環境很舒適，不會好似金都 & 百利的舖仔咁擠迫。由於每一個時段只會招呼一個單位的客人，所以上去之前要預約。

最後我都係揀左"幸福角落"訂造姐妹裙，因為這裡的姐妹裙質料很好而且價錢合理，大約三百幾至五百幾元不等，要視乎選用的質料和款式。

優點：
(1) 舖頭較寬敞
(2) 舖頭私隱度高
(3) 姐妹裙質料好而且價錢合理
(4) 很準時交貨，姐妹們拎衫時可以再fitting，如果不合身，可以再改
(5) 服務好

缺點：
(1) 只可訂舖頭現有款式

我的姐妹團

我的親妹妹們

"幸福角落"資料
https://www.facebook.com/BlissCorner

評分 (最高為10分)
服務: 9
產品: 8
價錢: 8