尋找我的嫁衣~最終回

星期日又出動去睇婚紗喇~~~


相比很多b2b，我花了很少時間尋找我的嫁衣。

不過我對WG都有少少要求：

● 心形胸款

● 閃爍的拖尾，但不要太長

● 最重要係唔好太累贅，要"著得我瘦" ~~ hehe  (因為身形的關係，唔係著件件衫都好睇)


而EG方面，較喜歡A Line款，盡量避免泡泡裙 or 蛋糕裙，最好不要用"鋼紗"。




My Dream Wedding

入這間shop是佢的門面吸引我，因為walk-in的關係，入面各人都好忙，不過都有一個sales serve 我們。首先，她俾左兩本catalogs我們看，是粉紙印刷，睇落好靚。佢地的款式是偏向 simple & elegant，A Line款多，不過選擇唔多。佢地係無free trial的，所以我們睇完就走了。

皇冠婚禮

這家的衫的style跟四季水晶婚禮相似，因為都是台灣來的，但價錢較四季水晶婚禮便宜。我們係直接walk-in，因為當時不是太多客人，所以可以俾我免費試2件 (1 WG+ 1 EG)。佢地的衫好新淨，services也很好，但係好多都係泡泡裙，以我的身形著就有點 bulky。跟住就去另一間喇~~

Perfection 唯美主義 (Confirmed)

早一日已經初步睇過d衫，全部的衫都是sales幫我選，大前提是要"著得我瘦" (有點自己騙自己~~hehe~~)。

我們比預約時間早到達，sales二話不說已準備好昨天選左的衫俾我試。因為下一個booking的客未到，sales最後總共俾左我試5件 (2 WG + 3 EG)。唔知係咪個sales 識得選衫，還是她pin件衫pin得好，覺得d衫真係"著得我瘦" ，唔bulky。

呢間shop都算多選擇，起碼初步我已經選到我喜歡的衫。傾好價錢後，我們就決定係呢間shop 租衫。Package 係包括 1 WG + 3 EG + 2 男禮 (其中一件 WG/EG可選有水晶)。

感謝 J先生的耐性，陪我不斷試衫。到7月份要正式選衫時，又要麻煩我的姊妹們了~~