等左成個月~~終於收到戒指碟

其實較早之前已經係ETSY order ring dish, 最初我們不是訂這隻ring dish~~攪左2個月, 一直同其中一個seller傾, 跟住個seller話自己放假, 一直都等佢reply, 之後佢無左影~~個時已經差不多11月了~~ 時間無多~~咁唯有拿拿林搵另一個seller, 佢很快就造好ring dish, 但係ship左好耐才來到香港, 等左差不多一個月, 真係好驚寄失啊~~   我們就係呢個seller度orderhttp://www.etsy.com/listing/83438073/custom-rosebud-ring-bearer-bowl-rosebud

我們已經過大禮了!

今日已經完成了過大禮，主要的用品都是在油麻地九記購買。九記賣的過大禮套裝很大體，我的父母和親戚們都讚口不絕。金色椰子上的囍字是手寫，而不是貼上去，很傳統，我媽媽尤其喜愛。

禮金木盒就係奇華借的，很懷舊。

我們已經簡化了很多過大禮所需的用品，"海味金、三牲酒禮金、生魚" 呢D items 只係用利是代替。

過大禮的過程很簡單，"交收"完後就一起去飲茶。之後返家就立即準備喜帖，明天就開始發放 "紅色炸彈"~~ 嘻嘻~~

男家給女家的禮物

我們的進度表~~仲有一個月多D咋~~~

Updated on 2 Dec 2011

時間過得好快呀！仲有一個月多D就到大日子~~
依家仲未識緊張，但係下個月過大禮後，就會忙到不得了~~
要派帖，final fitting，做facial，整gel甲(咁大個女第一次整)，染頭髮，
仲有好多濕碎的東西要最後先做到~~幸好婚前的幾天是公眾假期，不用請假~~
希望一切順順利利喇~~

花車公仔

我的嫁衣Final Trial @唯美主義

早幾天去左唯美主義定款，這次final trial是可以任試。雖然話就話係任試，其實都不會真係乜都有得試，又要視乎D衫有無期。我的大日子係兩個旺日子的中間，好多衫一早俾人hold左~~

這次我試左8件婚紗 & 15件晚裝，前前後後攪左3小時，很疲倦啊！

最後租多了 1 件婚紗，即係下午註冊時著 1件，晚上 match-in 時著另一件。
至於晚裝就有 3 件，席前、敬酒 & 送客。

今次定款，間shop規定不可以重復試，所以可以影相記錄。影左相真係好好多，因為好多時件衫現場睇是好靚，但係就唔上鏡。

我的結婚鮮花花球 @ Trinice Flowers ~ Confirmed ~

結婚花球 ~ 這是我一直遲遲未能決定的 item，因為有很多vendors選擇，真係花多眼亂，選擇恐懼症又發作。

係網上參考了很多 bloggers 及近期結婚的同事的comments，加上親身去了好幾家vendors 的舖頭查詢及參觀，最後決定 join Trinice Flowers(http://www.triniceflowers.com/bridal_bouquet_1to8_cn.html ) 的 package。

我比較喜歡用繡球花 or 大牡丹作主花，將會在11月再到 Trinice Flower才定款。

係Trinice Flower的網頁並沒有 post 太多的款式，要親身去佢地的 shop 就會有更多款式參考。

以下是我比較喜愛的款式，圖片轉載自Trinice Flower網頁：

婚姻登記 - 遞交擬結婚通知書

 因為我們的婚禮會在尖沙咀婚姻登記處舉行，所以在9月中，我們便要在網上預約遞交擬結婚通知書的優先次序。如果我們拿得的優先次序愈早，就代表我們可以在9月28日(即係結婚前3個月)到婚姻登記處，選擇到自己喜愛的舉行婚禮時間的機會愈高。雖然我們的大日子是在平日，競爭應該不會太大，不過都是不能鬆懈~~嘻嘻~~

較早前，睇左 blogger 瑞吉兒的教學 ( http://hk.myblog.yahoo.com/bbracheltang/article?mid=3604 ) ，一早準備就緒，終於可以得到 1 號籌。即是我們可以第一個選擇舉行婚禮的時間 ~~嘻嘻~~

決定左舉行婚禮的時間及地點，我們可以去印喜帖了！


上層地庫婚禮大堂 (相片來自政府網站)

喜出望外 - 裝修後的婚宴場地 @九龍富豪酒店

上個月，酒店的宴會部職員通知我們，說 ballroom 已經裝修好，我們可以去參觀一下........嘩! 真係無諗過個 ballroom 會翻新的，呢件事真係喜出望外，是 bonus!

昨天，我和 J先生就去左 site visit。酒店話個ballroom的裝修大致上完成，仲爭地毯及椅套還未更換，她說新的地毯會係有花紋的米色/杏色。 裝修後的ballroom雖然不是特別 modern，不過就真係光鮮左，無咁暗，睇落個樓底好似高左，感覺都OK。


Reception & foyer

我們的結婚戒指 ~ 買左喇!

搵左好耐~~ 終於係上星期日，買左我們的結婚戒指了！

行左各大珠寶店，覺得好難買，因為 J先生喜歡簡單的款式，而我~~女仔嘛~~喜歡有D款 & 有少少碎石點綴~~ 另外，大家一致認為最重要係戒指要貼手，戴得舒服。

發覺好多款式女仔都會戴得好睇，但係男仔就未必戴得靚，真係好煩~~ 所以大家都要找個平衡點~~

最後，我們終於係周生生搵到我地喜歡的款式。係 PT950 鉑金 + 玫瑰金(18K)，呢個款式係可以有2個版本，一個係有5粒小碎石 or 完全無碎石。本來 J先生係揀無石款，而我就一定係揀有碎石的款。結果 J先生都係揀和我同一個款，他說咁樣有意義D，而且有碎石的款，戴的時候都可以旋轉去無石個邊~~ 咁都得？！

這款係日本來貨，好彩買的時侯都有我們兩個的size，如果無就要訂。仲可以即日刻埋我們的名字呢~~

我們的婚前輔導 @香港家庭計劃指導會

6月份，我們參加了由家計會舉辦的婚前輔導。主題係「原生家庭篇」，一共有4節，終於完成了。

對我倆來說，參加完這婚輔後，是有得著。畢竟兩人是來自不同的家庭，之後要組成一個新家庭，要面對的事情有很多。要面對的不止自己新建立的小家庭，還有雙方的原本的家庭，即係有 3 個家庭。蘊藏著唔少的相處學問，我們要共同努力呢~~

我們的婚紗照 - 揀相記 @希臘女神 Beauty Hera

等左好耐，上星期日我們終於有得揀相喇~~~

我們 join 的 package 總共可以揀 50 幅相，我們一早決定不會額外加多過10 幅相.....而我們最後都係加多 8 幅相，可是我們 upgrade 了大相簿，買左幾張加左 effect 的相片 & upgrade 油畫框，呢幾樣o野係我們unexpected 的，超出了預算。不過我們只係影一輯 pre-wedding 相，所以就算喇~~~

Beauty Hera 影的相......如果10 滿分，我就俾8分喇，因為比我想像中好......但係 J先生就俾 7分.......haha~~

Beauty Hera 早兩日sent了幾張加左effect的相給我們，其餘 retouch 的相片就要等到 8月先有得睇，相簿就要等到 10 或 11 月先有得拎~~~

我們的結婚證書套

我們比較喜歡款式簡單的結婚證書套，一直都煩惱緊係邊度買~~~

十分感謝我的朋友Q小姐！她DIY了一本送給我們~~~

這是她第一次整結婚證書套呢~~~

我收到後很開心啊！

尋找我的嫁衣~最終回

星期日又出動去睇婚紗喇~~~


相比很多b2b，我花了很少時間尋找我的嫁衣。

不過我對WG都有少少要求：

● 心形胸款

● 閃爍的拖尾，但不要太長

● 最重要係唔好太累贅，要"著得我瘦" ~~ hehe  (因為身形的關係，唔係著件件衫都好睇)


而EG方面，較喜歡A Line款，盡量避免泡泡裙 or 蛋糕裙，最好不要用"鋼紗"。

尋找我的嫁衣~第二回之再戰尖沙咀婚紗街

星期六，去左好幾間婚紗舖~~

In Wedding

我們沒有預約就直接 walk-in，裡面有好多人啊。睇左佢地的catalogs & 實物，價錢便宜，但款式大路，睇完沒有想試的衝動。咁就去下一站喇~~~

Princess Wedding

這間shop是跟 In Wedding 在同一座大廈。這間都是walk-in去看的。這裡WG的款式不多，而且感覺有點舊，但是佢地的EG款式很特別，有幾件我都覺得靚。呢間價錢適中，不過我想係同一間shop 租衫，所以唔考慮呢間了。

Perfection 唯美主義

我已經預約左係星期日free trial，但係我們直接walk-in想睇下款式先。呢間價錢適中，Sales 很好人，她選左幾件俾我睇，我覺得都幾靚，她就幫我記下，星期日才試。

L'amour Bride

係magazine睇到佢地的廣告很吸引，加上見到很多bloggers提及，所以早幾天已經打電話去預約。他們說如果同男友一齊去就可以有2件free trial，否則就要俾錢試。

這間shop令人有很舒服的感覺，老闆娘也很好人。我試左 1 件 WG & 1 件 EG。款式是幾靚 & 特別，價錢稍貴，不過因為款式唔係好o岩我的身形，最後都沒有下訂。 

 

星期日又要繼續喇~~

 

尋找我的嫁衣~第一回 @Berfa Wedding & 四季水晶婚禮

終於正式展開尋找禮服之旅了~~ 好興奮 ~~

去睇衫的前一天，已經同左J先生講，叫他無論如何都唔好俾我試完衫就立即俾訂~~因為諗住起碼試5-6間婚紗舖，才下結論，不要太衝動~~

 

Berfa Wedding

早兩天打電話去約時間試衫，第一站係去Berfa Wedding。這裡可以免費試3件。

一去到Sales(不是老闆娘)就俾左 1本相簿選 WG & 2本相簿選 EG，現場的款式不是太多，唔知係咪好多都租左出去呢? 之後Sales提議我試 2件 WG & 1 件 EG，她也提議那些款式適合我，服務都唔錯。可是試左上身後，沒有"叮"一聲的感覺。

至於價錢都幾合理，gowns 無分等級，買左package後可轉款2次，包 necklaces & veil。

 

四季水晶婚禮

呢間係台灣舖頭，我見到有blog友係呢間租左衫，所以就walk-in 去睇睇。

一入到去就有一個好熱情的台灣藉經理招呼我們，首先就係電腦睇衫的款式，我問她有沒有免費試衫，她說要$100試一件 (後來睇返blog友的blog，她免費試了2件)。因為都 9:30pm，覺得夜加上又沒有免費，所以無打算試。這經理就拿了好幾件 WG & EG＂拼＂上我身上，係咁讚舖頭的衫很靚，手工好好。的確，佢地的衫係比較華麗，特別係 swarovski 水晶系列的 WG，真係好閃爍，確實係令人心動。這間舖有很多衫，都覺得新淨，台式 style，款式比較誇張。

至於價錢係比Berfa貴，而且有分"普通系列" & "水晶系列"。台灣藉經理很進取，offer 左超值優惠俾我們，用"普通系列"的價錢就可以租"水晶系列"，其中有一套EG仲可以係全新訂造，包swarovski necklaces ~~真係心"郁郁"~~

不過~~~我還要去其他婚紗舖睇衫啊！ 唔想咁快下決定。經過一輪拉鋸，最後台灣藉經理都無我地乎，唯有放我地走~~

 

明天再戰婚紗街~~

 

我們又去左婚紗展喇~~喜帖, 租車 & 紅酒

昨天我和 J先生去了婚展，完成左3個項目了！

喜帖

我們對於喜帖沒有太大的要求，一切以經濟、簡單為原則。起初我們只是諗住用酒店提供的喜帖就算，不過最後都覺得酒店提供的實在唔靚，所以都係自己買。

我們的婚紗照 - 拍攝記 @希臘女神 Beauty Hera

昨天終於影左我人生第一輯亦可能係最後一輯婚紗相，感覺都幾好玩，不過由朝玩到晚，都幾疲倦 (可能平日無做運動鍛鍊身體)。

8:45am 到達 Beauty Hera，因為未夠鐘，所以未開門。到 9am，有職員返工喇。

等左一陣，就開始化妝，幫我化妝的 MUA 叫 Cathy，個妝都化得唔錯。Cathy 首先幫我 final fit 將會出外景的2套衫，發現比較鬆，她就叫裁縫幫我改到 fit size。換好衫&化妝後，她便替我男友 J 先生 (係度第一次正式介紹他的名字) 化妝 & gel 頭。出外景時，她常常替我們補妝。總括來說她都很細心。

昨天幫我們影相的攝影師是亞康及他的助手Sunny，他們都很年輕而且很有趣，面對不懂擺 pose 及動作生硬的我們，他們很有耐性。

首先是在影樓 (室內+室外小花園) 影相，估不到小小的影樓都可以有8個景可以影。之後 2:45pm 就出發去馬灣了。到達馬灣後，還沒有其他新人影相，我們先在馬灣公園影，影了幾個景後，開始有幾對新人到達，好彩我們早左少少到，不用排隊影。影完沙灘景後，攝影師帶我們到馬灣的已荒廢漁村及碼頭影夕陽，這個景是我們 unexpected 的。到了6:30pm，我們就出發去 TST 1881 Heritage 及鐘樓影夜景。大約 8:15pm 就完成整天的行程，返去 Beauty Hera 換衫，8:45pm 離開。

很期待睇相....因為我們想係假日睇相，所以要 book 到 6月26日才可以睇。

另外，我想提一提..... 上次試衫時 (相關閱讀: 我們的婚紗照 - 試衫記 @希臘女神 Beauty Hera )，個sales 說我 有 2套衫要駁布先著到，但原來根本可以改到o岩 size，我諗這個sales 真是無乜經驗。

昨天偷影左我的 4個造型，相片會 post 係下一篇私友化的 blog。  (相關閱讀: 我們的婚紗照 - 拍攝記之偷影造型 @希臘女神 Beauty Hera (私友化) )

 

我們的婚紗照 - 試衫記 @希臘女神 Beauty Hera

終於去左希臘女神揀今個月尾影pre-wedding穿的禮服喇.....我們join的攝影plan包 2套WG + 2套EG + 3套男禮。今次係我咁大個女第一次試婚紗~~~不過偷影唔到，個sales話她的老闆娘係度。

好唔開心，無諗過原來咁難先揀到衫~~~

由於貓豬女的身材圓潤，肥肥地，當日試頭2套婚紗已經唔o岩身，大件事....係要駁布先得個種。個sales同我講，話我選的衫，大多數都係無乜紙口可以改大，差不多件件都唔o岩著....但唔知點解個sales仲要我試晒我自己選的衫....由最初懷著興奮的心情試衫，慢慢就愈來愈灰....後來我同個sales講，"不如你找一些你認為我o岩著的款俾我喇...." 加上我的friends同我一齊係間shop度搜索多d衫試....那天一共試左 over 20件，試左 3 hours.....

最後的結果係.... 1套拖尾WG + 1套EG (桃紅色) for 影樓景，因為兩件都要駁布，即係唔可以影背面..... 另外 1套WG 係馬灣影日景 + 1套EG (幻彩墨綠) 係TST 1881 Heritage影夜景....呢兩件合身....

關於Beauty Hera 的 services..... 暫時覺得幫我們試衫的sales服務麻麻地....
(1) 試衫前，個sales無睇清楚張單，以為得2套男禮，我們提佢她才知道
(2) 我睇相簿選款式時揀左好多款，原來好多款都係俾人租左，但個sales一開始無話俾我知，我差不多試完才知道
(3) 個sales唔知係咪覺得我試得太多衫(我都唔想，不過真係好多件都著唔到)，好似唔係好願意幫我搵衫

P.S. 一直都好懶，無決心keep fit，都唔期望輯婚紗相會好靚.....依家要努力d，希望big day時可以修到身.....另外，我要快d去尋找big day當日著的 WG & EG 喇，好驚搵唔到o岩著的衫.... 

我的 pre-wedding 絲花花球 by K's Floral Wedding - 收貨喇~~

收貨喇~~ 同大家分享~~

這就是我的絲花花球，顏色很甜美啊！

我的結婚首飾- 珍珠頸鏈 & 耳環

一直都有留意其他新娘子在穿婚紗行禮時配戴什麼首飾......最後都是比較喜歡珍珠頸鏈配襯婚紗，覺得比較優雅。

之前係連卡佛睇到個間日本田崎珍珠賣的珍珠真是好靚，不過真是很貴，要5位數字。

直到上星期行街，無意中遇到我喜愛的11-12mm珍珠頸鏈。舖頭的老闆娘話呢條頸鏈是來自大陸海南的天然養珠，她說把兩粒珍珠互相摩擦，如果是真珍珠就會產生一些粉末，抺走粉末後，珍珠的表面是不會弄花的。

老闆娘說近距離看這條珍珠頸鏈就會見到表面並不是十分光滑，而且不是每粒大細一樣。不過戴來影相就看不出瑕疵。一分錢一分貨，所以這套首飾價錢不算貴。

依家諗緊除了big day那天戴，也可能會戴來影 pre-wedding。


P.S. 多謝我的另一半！

尋找 pre-wedding 絲花花球

5月尾就要影 pre-wedding photos了，最初都有諗過買鮮花花球來影相，不過諗諗下都係怕太重，而且又怕大半天都在外面，鮮花缺水會好快凋謝，最後都係決定訂一個絲花花球帶去影相。

去過花墟睇，又上網尋找，找了很久也找不到合心意的。後來，我的同事幫我 search 了這間 Ｋ's Floral Wedding，一看之下，好靚喎，係我喜歡的款式。跟住就立刻 send e-mail 問價錢及訂製所需的時間。好彩緊緊趕到，可以係 5月中交收。老闆娘 Kitten 還可以按照我喜愛的花種類 & 顏色，幫我設計款式。很期待啊！

收到貨後再同大家 share。

我的結婚鞋

早在 3月尾就已經訂購了我的結婚鞋，因為想影 pre-wedding & my big day 時著。

我是係金都 G/F 的心意鞋店訂製的，需時 2個星期。呢間店係我的姨姨介紹的，她說廿年前結婚也是在這間店訂鞋，穿著了整天也沒有腳痛。

我選擇了銀色絹面，因為容易配襯，穿婚紗 & 晚裝都 OK。

去拎鞋時，老闆娘知道我要著這對鞋去影 pre-wedding 外景，她提醒我因為係絹面的關係，如果要行落沙灘或者行草地，就要小心點，因為如果弄髒了就抺不掉。

我依家準備買多對平平地的鞋帶去影 pre-wedding。

我的 MUA Sandy Wong @ Merry Marry

又是另一個要尋找的項目！

跟好多準新娘子一樣，我都是限制自己只可以試兩次妝，因為依家的試妝費用不便宜，大多數都要 HK$500 一次，所以要決定找那一個 MUA 試妝都要好好考慮，畢竟每個新娘子都希望大日子當天是最漂亮的。

為我第一次試妝的MUA 是經朋友介紹，不過試了之後不太喜歡頭髮造型。

之後自己開始上網找資料，参考了很多 bloggers 的意見及經驗，就再看看她們 recommend 的 MUA 的blogs，看看MUA的作品，尋找自己喜歡的style。最後選擇了 Sandy Wong @ Merry Marry 試妝。 http://hk.myblog.yahoo.com/merrymarry05

最初都怕找不到Sandy，因為聽講她是很難找的，但是都要試一試。幸運地，第一次打電話給Sandy，就已經找到她。接著我就send e-mail 確認她有沒有檔期，很好彩我的大日子那天有檔期，跟著就預約時間試妝。

Sandy 很細心的替我化妝，當日試了2個造型，大約用了1.5小時。因為自己很喜歡她的化妝&頭髮造型，所以就立即落訂，暫定是早、午及全晚的package，也可以 free 了試妝費。另外，Sandy 也送 final trial hairstyling 給新娘子作禮物。


Make Up Trial by Sandy Wong @ Merry Marry

我們到深圳笋崗購買婚禮用品

睇了blogger bubibu 的 blog後才知道可以在深圳購買婚禮用品，bubibu的介紹很詳盡而且把自己的經驗分享，很感謝。

http://hk.myblog.yahoo.com/bubibu-bubu/article?mid=6889

http://hk.myblog.yahoo.com/bubibu-bubu/article?mid=6941

 

上星期六，我們就去了深圳笋崗購物。我們只是去了立興喜慶這間店一次過購買，不過沒有買新娘傘，因為試了很多把傘都不能打開，唯有返香港買。

 

立興喜慶禮品商行  http://www.lixingwedding.hk/about.asp

第一分店：深圳市羅湖區寶安北路2號（帝豪酒店旁）百合隆批發市場一樓大廳102號鋪

第二分店：深圳市羅湖區笋崗倉庫822棟笋崗工藝禮品城一樓A027號鋪

第三分店：深圳市羅湖區南湖路3007號國貿廣場二期二樓夢樂園婚慶城213號鋪(地鐵國貿站B出口)

 

我們的戰利品

我的裙褂 - 錦發繡品公司

我的母親大人是一個傳統的人，所以"潮褂" 免問，只可以穿傳統的裙褂，而且要穿 "頭褂"，即是要穿著新的裙褂出嫁。經妹妹的朋友介紹，就去了錦發繡品 "做租裙褂"，這是一間舊式的裙褂舖。

那天我的媽媽、2位姨媽、2位妹妹及男友一起陪我去選裙褂。因為是"做租裙褂"的關係，所以要度身訂做，需時9個月，到婚前1個月左右再去 final fitting。

錦發的嫦姐分別拿了 "小五福"、"中五福"及"大五福"裙褂給我試穿，個人比較喜歡 "小五福"，因為看起來比較年輕。可是，我的母親大人喜歡我穿"大五福"，因為多金銀線，較有貴氣，但我覺得看起來很老，好像奶奶般......

最後都要按照母親大人的意思，訂造"大五福"了...... "做租裙褂"的價錢是HK$1,6xx，送新娘睡衣一套，另外買了一對高跟繡花鞋。

我們的婚禮 - 攝影及錄影, 場地佈置 & 餅咭

在3月份的結婚展除了決定婚宴場地外，還決定了很多事項：

西式及中式餅咭

一到達結婚展就第一時間去美心的攤位買西餅咭，因為時間尚早的關係，攤位並不是太多人，不用等候就可立即購買。美心西餅咭大約有七五折，見到有些人買一千張，不知道他們是否自用抑或是轉售呢.....

因為美心不是每次 wedding expo 都會擺攤位，所以吸引很多人購買。果然係愈晏愈多人，轉頭已經有起碼 60, 70人排隊，打蛇餅，而且要排隊排到出場外，真是誇張。

另外，我們買了奇華中式餅咭，有八折。

我們的婚宴場地

擇好日子後，我們第一件要做的事情就是尋找註冊場地及酒席。

我們決定在婚姻註冊處舉行註冊儀式，所以只是需要尋找酒席地點。

因為想方便各方親友來我們的婚宴，所以盡量選擇在尖沙咀、佐敦、銅鑼灣等交通方便的地方擺酒。

年尾是結婚旺季，很多熱門的婚宴場地都已經 fully booked，真是很擔心找不到合心意的地點。

首先打電話或e-mail去酒店&酒樓，確認有位及合乎budget我們才預約去視察場地。我們想在3月份的結婚展之前，搜集多些資料，每天都用了幾小時上網看看其他bloggers 的選擇，我們用了4個下午的極速時間，先後睇過以下的場地：

我們的婚紗照 Pre-wedding photos

關於婚紗攝影呢個項目，我們之前沒有上網做太多資料搜集。只是去過2次結婚展就決定用哪家的婚紗攝影。

最初真是很想去外地影婚紗照，但經過一番考慮，最後都是選擇係香港影相。

我們在2月份的結婚展JOIN了希臘女神 (Beauty Hera) 的package (自選日景，自選夜景 & 影樓景)，將會在5月份影，他們說要影完相後大約要4個月才攞相。

5月中要決定自選日景&自選夜景的地點，不過我還沒有想好去哪裡影好呢? 真令人頭痛!

 

開始籌備我們的婚禮喇!

由男朋友求婚到今年年尾舉行婚禮，我們將會用不足10個月的時間來籌備婚禮，究竟會係點呢？ 係咪真係好趕呢？

見到很多朋友都至少用一年半至兩年籌備婚禮，最初都很擔心會不會唔夠時間籌備，不過唔緊要喇，既然決定左要今年年尾結婚，咁就開turbo進行喇！